Ｄａｙｓ２３６　＠　ａｕｓ　 後知後覺的人間有情

新學期開始，不負所托總叫作考得好成績，
成功打嬴鬼佬為屯門仔爭番口氣。

突然與肥斌感觸一晚，眼沒有淚光，然而在心中滴淚。
不要胡亂猜測，我跟汶汶還好，有心。（取至葉問）

也許人總是要經歷過失去，錯信，挫敗，再失去，再挫敗，才能繼續做人。

原來以前我所擁有的不止現在所看到的少，
可能我現在擁有的會比我所看到的多，
但感覺總不及從前的真與情。

原來有些事情，發生過，只要有某個可能，曾掩藏的也會被找到。

當十四歲憧憬的事變為真實，真正感覺得到它們，當時就會覺得微不足道，
甚至認為理應如此，然而時間開始去証明，誰是比較有智慧的。

當十六歲希望的事變為泡影，完全沒有接觸到它們，當時心情一塌胡塗，
然而時間再一次証明，勝方花落誰家。

闊別差不多六載的中學，想著原來已經超過六秋，心裡不禁說出一句：
「為何事情會落至如斯田地？」

闊別差多不四載的ｉｃｑ，心又再想著：
「若ｍｓｎ沒普及的話，情況會否改變？」

原來有很多很多的機會是曾經放在眼前，當時胡塗的我不但誤入歧途，
而且誤信奸人，落得如斯田地。

原來有很多很多機會讓我「做番自己」，當時急於改變的我把所有都一手摧毀，
直到停下來才知道，我想「做番自己」。

可是時間再一次証明，時間是不能倒流，
時間回答了我，已經不能「做番自己」，
時間還對我說，請背著自己的所作所為活下去吧：）

曾經有好幾段人間友情，難能可貴的經歷向我伸手並示意邀請我一起去探險，
是我自己一手因為奸人，因為判斷錯誤而令到這個故事得而結束。

倘若當時，當天，那一段時期，昏庸的我得以醒來，
可能我會比現在更明白甚麼是快樂，或者，可能我會更不明白甚麼是快樂，
因為若我沒有失去過，我便不會痛定思痛。

如果是因為一個人令到我喪失所有，我會選擇殺他死；
如果是因為天時地利令我喪失所有，我會選擇每天去咀咒上帝；
如果是因為自己所謂的聰明決定令我喪失所有，我只好緊握雙拳，努力做狗。

肥斌說我大可以去找回我失去的東西，而且我們都很清楚這個方法，
可惜我連基本的尊嚴也沒有，又有可面目去找。

如果可以，我很想跟你們，妳們，各位，說一聲對不起，
雖然受歉者你們不知道自己受了小弟一敬，
但請容我最後為了自私的顏目再一次去掩飾這個遺憾。

給人遺忘的感覺我吃不消，可惜這都是我咎由自取。


算吧啦何狗，都係返去訓啦七頭。

Days 104@aus   Hard feeling

不知不覺就１００日大關，
好快就２００，又３００，
都唔知幾多ｄａｙ可以比我咁用。

英文水平其實好難冇進步，
但我覺得個空間應該可以再大ｄ，
都係個句，加油。

黎到外國個人的確係有好多變動，
而家夜晚點幾兩點就開始有睡意，
因為根本就冇野做，個人好易累，
本身都係睡魔，而家仲升左ｌｖ，
根本唔想訓醒，一訓醒就處於兩條路，
一係搵野做，
一係就訓，
好鬼悶，外國的確係真係悶，
可能真係冇朋友又冇收入，
好難涯時間。

成日比ｄ人煩，
喂積極ｄ啦，喂爭取時間啦，
屌那星我聽日死？真係火其實，
即係只要你有一刻係懶，
佢就認撚定你係泥，一世都係，
直到你有成績出到黎，仲要係好明顯，
人地先會點一點頭，嗯，你有進步，咁，
我覺得係好正，
即係咁，
你努力，冇成績，係冇用，
你唔努力，有成績，係冇人會煩你，
咁得出個結果係，你要有成績，
就算偷，就算搶，就算不合法，
只要你有成績，ｏｋ　ｙｏｕ　ｃａｎ　ｇｏ，
你冇成績，儘管你真係好比心機，但係你囉唔到，
你就係垃圾，勝者為皇。

何駿都開始唔係好識火，
以前係咁發牢騷，「屌都唔公平既」，
哩一類說話以前係好多，
漸漸愈黎愈少，唔係個人冇咁火，
係明白到講黎都曬氣，
只可以做兩樣野，
１．好好調教自己既角度去配合大圍既做法；
２．讓時間去証明，邊個係比較有智慧；
只能夠做哩ｄ野，
而個過渡期間，本人只可以唔好咁多聲氣，
忍住忍住，人地都係痴ｑ左線先講咁多野架者，忍住。
要嬴要型，唔係打低人地，係令到人地打唔到，咁先係型，
我深信哩個道理，所以而家係選擇性收皮。

情況暫時係幾樂觀，
起碼我係香港訓練既野而家都用得著，
我覺得哩ｄ係好好既書名：
如何過渡苦悶時間；
與狗共舞；
與鬼共做報告；
學．習．容．忍．賤．人　　哩幾隻字要慢慢吞出黎先有效果，
哩ｄ書名囉出去賣真係大賣，
當然唔係我自己作，
我係抄人地架者。

與人相處方面，真係有待改進，
可能小弟個樣真係比較上囂張，
ｄ鬼佬真係唔係幾鍾意我～．～
不過都係抱住樂觀態度，
唔憎我經已好好。

但我覺得冇咩所謂啦～
反正而家哩度只係踏板，
最終目標係完成ｄｅｇｒｅｅ，
英雄莫問出處，狗雄亦然，
成王敗寇，要証明既係邊個係比較有智慧。

唉，
條路係難行，
雖然唔知行唔行得到，
但都要行，
因為只有泥先行唔到，
要扮人，就要學識行。

聽落去好似好多野做，
又要報英文班，
又要報ｍａｔｈｓ班，
又要報車，
又要搵工，
又要儲錢，
又想學野，
又要做ａｓｓｉｇｎｍｅｎｔ，
聽落去好似一日２４個鐘唔訓覺都做唔曬，
實際上，真係可以著手去做既野，
又咪係得兩樣，
食野，訓覺。

不過真係得哩幾日有得抖，
聽日開始又要與ａｓｓｉｇｎｍｅｎｔ共枕，
啊，哩個世界真係美麗，
啊，哩個世界ｄ空氣真係清新。